師奶拖篋掃貨　豪花二萬元

【本報訊】美食博覽場內盡是美食，入場人士一邊試食一邊盡情掃貨，大部份更是拖着行李篋進場的師奶兵團，而且一早做好準備，鋪排掃貨路線，穿梭展場，免費品嚐溏心鮑魚等美食後，再豪花過萬元購買鮑魚、月餅和松葉蟹等食品。
居於九龍的陳女士昨早 9時多與兩友人拖着行李篋進場，坦言「畀咗25蚊入場費，點都要買番夠本！」她們試盡場內免費美食，更打算豪花二萬元購買鮑魚、月餅與松葉蟹。「上年每人用咗幾千蚊，今年會買多啲。一開場就已經用咗 2,000蚊買北海道松葉蟹、蟹棒、蟹腳，之後再去買鮑魚、月餅等等。」
付費入場「吃番夠本」蔡小姐自言是精明消費者，購物時都會先格價，「呢度平均都平過外面 20%，但部份嘢可能會貴啲，要睇清楚。」花了 25元入場費，她盡力「吃番夠本」，「試食咗最少 10個攤位以上，我鍾意食嘢吖嘛。」她在場內專攻日本美食，花 250元買了兩隻日本蟹。
同珍推出的優惠也吸引不少主婦，因購買約 100元指定貨品可獲贈手推車。不過，不是所有消費者都格價，李小姐坦承：「我唔精明 o架。」她首次到美食博覽，已被零食吸引，買了兩大袋，「冇格價 o架，見到鍾意咪買囉。」

http://hk.apple.nextmedia.com/template/apple/art_main.php?iss_id=20090814&sec_id=4104&subsec_id=11867&art_id=13097393