廢鐵堆中摸黑徒手救妻兒 八歲兒削半邊面見到骨

[url=http://hk.apple.nextmedia.com/template/apple/art_main.php?iss_id=20091110&sec_id=4104&subsec_id=11866&art_id=13404050]http://hk.apple.nextmedia.com/template/apple/art_main.php?iss_id=20091110&sec_id=4104&subsec_id=11866&art_id=13404050[/url]

【本報訊】「個仔咁細就要佢受咁嘅痛苦，我個心好痛呀。」 35歲的施榮國，一家三口前晚到港島金鐘飲宴，不料歸家時踏上肇事巴士，全部受傷。意外後，身受重傷的他徒手在廢鐵堆中救出妻兒，但 8歲兒子右半邊臉被削至見骨，慘遭毀容，妻子右半邊身則被擦至皮開肉綻，一個快樂的家庭，從此面對無盡痛苦折磨。記者：文兆麟、徐雲庭
《傷者施家三口》
今年 8歲的施正濠精靈活潑，是家中寶貝。車禍驟來，「濠仔個鼻以上嘅右邊臉到後腦，好似俾人鏟去一層肉，深到見骨。」說起兒子的傷勢，施父灑下男兒淚，「當時傷口全部佈滿玻璃碎同車廂嘅纖維碎，醫生話等傷勢穩定後再做植皮手術，叫我哋做好有可能毀容嘅心理準備，另外仲要面對日後長期治療。」
在一家大型連鎖集團任職貨車司機的施榮國，與同齡太太及兒子同住將軍澳廣明苑一單位。前晚一家三口到金鐘飲宴後登上肇事巴士，當時施坐在巴士上層左邊第二排走廊位，妻兒坐在上層右邊第二排，兒子坐窗口位，三人在車上均無入睡或未打瞌睡。

「全身似磨薑咁損晒」
「架巴士一出站就開得好快，我做職業司機對車速好敏感，當時個心仲暗暗咁講千祈唔好出事；從巴士沿途嘅速度，我敢肯定個巴士司機駕駛態度好鹵莽。」
巴士在迴旋處失控翻側後，施父下巴被削去一塊肉，僅皮肉相連，右額則撞至爆裂流血，手腳擦傷。他說：「出事後，全車冇晒電黑麻麻，我爬出嚟就大叫老婆同囝囝個名。老婆好快就應我，我摸黑咁扶佢出來，佢全身好似磨薑咁損晒，個身係咁震。」

市民合力拉鐵枝救人救出妻子後，施父又摸黑大叫兒子：「細佬，細佬！」他聽到兒子呻吟回應：「爸爸，好痛呀！爸爸，好痛呀！」施父即多次徒手試圖拉開一條已撞至變形的鐵枝，此時一名熱心市民趨前幫忙，終將鐵枝拉開，施父在黑暗中憑感覺將已拋出車外、夾在花槽與巴士殘骸間的兒子救出。

暫未能縫針　要等植皮「當時見到個仔塊面好似被人削去一邊，成塊肉被鏟去，有啲地方仲見到骨。」施父昨在醫院向記者透露，醫生指濠仔傷口嚴重腫脹，不能馬上進行縫針手術，只能等待傷勢穩定後，再利用其身體其他地方的皮膚作植皮手術。說到傷勢對濠仔將來的影響，施父含淚說：「佢咁細個，點解要佢承受咁嘅痛苦？」
施父補充，濠仔在將軍澳區內一小學讀三年級，擔心意外影響濠仔的學業。此外，施父是家庭經濟支柱，更擔心因傷勢影響工作被解僱。