乘客拋出車　上層跌下層 目擊者：司機完全唔收油

[url=http://hk.apple.nextmedia.com/template/apple/art_main.php?iss_id=20091110&sec_id=4104&subsec_id=11866&art_id=13404083]http://hk.apple.nextmedia.com/template/apple/art_main.php?iss_id=20091110&sec_id=4104&subsec_id=11866&art_id=13404083[/url]

【本報訊】九巴深宵在將軍澳翻側造成 1死 35人傷慘劇，目擊意外的街坊及生還乘客均指摘肇事九巴車速過快，肇事前車速估計高達 80公里，「佢完全唔收油，睇住佢炒車！」結果巴士向右翻側，有樓上乘客跌落下層，有乘客被拋出車外，人叠人死傷枕藉，肇事車長聲稱地面有油迹肇禍，遭憤怒乘客喊打，車長涉嫌危險駕駛導致他人死亡被捕。記者：李偉民、白琳、麥志榮

九巴董事總經理何達文昨午到醫院慰問傷者家屬，透露會向死者及每名留院傷者發放三萬元慰問金，並設立心理輔導服務熱線協助家屬。他強調公司有機制培訓車長，會就今次事件作檢討。他不諱言：「做乜都暫時彌補唔到，希望傷者吉人天相。」
肇事巴士剛在本月初進行測檢，被捕陳姓（ 36歲）司機 06年入職九巴，去年 9月開始駕駛 692號路線，迄今已 14個月。陳前晚 11時 40分開工，駕駛 692號尾二班車由中環往將軍澳坑口北巴士總站，預計車程 70分鐘，然後駕 N293號通宵巴由將軍澳開往旺角。陳已被暫停駕駛職務，其兄趕至醫院了解事件時，拳打本報記者面部，涉襲擊被捕。
事發昨凌晨零時 19分，肇事九巴僅花 39分鐘，已由中環駛至將軍澳車禍現場，尚有七個站到坑口總站。巴士沿寶順路南行，左轉駛入唐明街時懷疑高速失控，全車向右翻側，巴士上層壓在路中花槽圍欄石壆上。上層右邊車窗粉碎，有乘客被拋出車外，座椅飛脫，部份乘客滾向車廂右邊人壓人，有人由上層跌落下層，頭破血流。

車廂一片漆黑，呼救聲此起彼落，部份輕傷者自行爬出車廂待救，有熱心街坊上前協助拯救。由於傷者眾多，聯合醫院急症室派出醫療隊到場協助。負責黃嘉穎醫生指，現場傷者相當驚慌，「好多人喺度喊，有啲就成個人嚇呆咗。」他們與救護員為傷者初步救治後，要不斷安撫他們，再將他們送院。
坐下層後排的張先生及其姓黃女友事後坐在路旁待救，張雙腳受傷鮮血直流，仍攬着女友在懷內。張憶述巴士由中環開出時車速已很快，「開車好唔穩， 20分鐘已經駛到北角尾，唔夠半小時就入東隧，估計時速 80公里，平日至少要 40幾分鐘先到車禍現場，𠵱家起碼快咗 5至 10分鐘！」
本身是職業司機的乘客施榮國直指：「（轉彎時）巴士車速好快，我估計時速至少 80公里，咁快嘅速度，肯定入唔到個彎。」坐上層左邊中間位置姓蔡乘客則表示：「架車出（將軍澳）隧道轉大彎行大直路，佢（司機）踩得好行，快得好勁，轉彎就失控片咗車，我唔覺佢有煞車囉！」蔡的頭及手腳受傷共縫了 16針，他說會追討賠償。

「有啲乘客想打個司機」
住在現場附近尚德邨的陳先生當時正在窗邊講電話，「我睇住佢（肇事巴士）炒車，嘭一聲好大聲，佢（司機）完全冇收油，翻車後司機落車時仲話地下有油迹，有咩油啫，根本佢自己唔收油，有啲乘客仲清醒，差啲想打個司機！」陳立即報警，並衝落街救人，「落到街差人仲未到，近啲嘅乘客就搬出嚟先，但有啲乘客個頭已經削爆，有個女仔隻手磨到全部冇晒，隻手斷咗！」
東九龍交通部調查及支援組總督察何澤勤表示，現場並不是交通黑點，不排除司機超速駕駛，會量度胎痕及被撞毀地方的距離，以確定有沒有超速。