聯合醫院 35周年　紀念刊物道出軼事 張國榮圓臨終者的夢

[url=http://hk.apple.nextmedia.com/template/apple/art_main.php?iss_id=20091113&sec_id=4104&subsec_id=11867&art_id=13415734&cat_id=7355444]http://hk.apple.nextmedia.com/template/apple/art_main.php?iss_id=20091113&sec_id=4104&subsec_id=11867&art_id=13415734&cat_id=7355444[/url]

21年前，一名 19歲青年遭癌魔纏繞在聯合醫院留醫，生命燭光快將熄滅，他向護士長黃潔如道出最後心願：「我好想見吓張國榮！」數日後，張國榮悄悄到病房探望，沒有記者歌迷前呼後擁，只帶來簽名禮物及點滴關懷，更承諾每日跟他通電話聊天。男歌迷在會面後數天撒手塵寰，但憑着黃潔如的努力，他遇到天王巨星兄長般的關懷，生命最後時刻依然樂觀面對，笑着離開塵世。記者：夏志禮

歌手張國榮離世 6年了，這段塵封回憶，昨日因聯合醫院出版 35周年紀念刊物而重見天日。故事由當年任護士長的黃潔如娓娓道來：「 1988年我哋聯合臨終服務收咗一個 19歲男仔，佢有末期骨癌，左手要切除，一隻眼亦因此失明，估計佢得番幾個禮拜（壽命）。」

要求勿通知傳媒
80年代張國榮演藝事業如日中天，年輕骨癌病人同樣沉醉於《不羈的風》，有天他對護士說希望見到張國榮，在護士們的努力下，願望終於成真，「當時港台有個節目叫《夢想成真》，幫人圓夢，咁我就試吓搵主持車淑梅幫手，結果佢真係搵到張國榮。」黃憶述。
面對探病請求，當年 32歲的張國榮欣然答允，但卻有一個條件，「一定要低調，唔可以向傳媒披露，唔係宣傳活動。」黃潔如答應，只將消息告知院長及其他護士長等數人。
探病當日，醫院一切如常，下午一位男士向登記處詢問男病人病房所在，護士抬頭一看，竟然就是萬人迷張國榮，既驚且喜。他走到男歌迷的病床前送上慰問，着他「畀心機打勝仗」、「唔好放棄」，並送上親筆簽名 CD和相片，兩人談天說地如同兄長與弟弟一般，哥哥答應每天跟他通電話，弟弟笑逐顏開。

每天通電話鼓勵張國榮兌現承諾，每天跟男歌迷通電話，就算到澳門拍戲，也由助手代表致電。約一周後，男歌迷告別人世，哥哥於他的喪禮悄悄送上鮮花致意，「我哋好感謝張國榮，佢畀咗動力呢個男仔，一直都冇向人宣揚過呢件事，係真正嘅仁者。嗰個禮拜無論療程同病發有幾辛苦，個男仔都可以好樂觀咁面對，佢媽媽話個仔每日有笑容，走嗰陣冇遺憾，而張國榮送嘅物品全部都用作陪葬。」
除了張國榮，黃潔如亦曾嘗試為病人聯絡武俠小說大師金庸，「係一個喉癌病人，因為條頸開咗個窿講唔到嘢，見佢鍾意睇金庸小說，就寫咗一封信畀查先生，結果幾日後收到佢回信，仲叫人送咗四套簽名著作過嚟，一套畀嗰位病人，其餘就畀其他病人，我都有本題咗字嘅《雪山飛狐》。」
為紀念聯合醫院成立 35周年，院方印製了 2,500本紀念刊物《一起走過 35年》，除收錄上述軼事外，亦記錄了醫院 35年見證過的點點滴滴，特刊每本售價 88元。

一碗雲吞　一張床　末期病人心願平凡擔任善終服務多年的黃潔如表示，末期病患者的心願從不驚天動地，「其他人可能以為係啲好難達成嘅願望，其實絕大部份都係好卑微、好平凡嘅要求，或者係一碗雲吞，或者只係一張可以伸直腳嘅床，已經可以令佢哋走好。」
黃潔如表示，近年市民不再像以往般忌諱死亡，善終服務終可發揮作用，「以前市民會認為接受服務即係等死，其實一樣係有治療過程，近年大家比較可以接受死亡呢回事，要病友講出自己有乜嘢心願冇以前咁難。」她指，這些心願通常相當合理，「記得有個婆婆講，佢只希望走之前可以食碗好好食嘅雲吞，因為好耐冇食過；另外有位婆婆就話，自己住喺板間房，張床放喺板同板之間好窄，佢希望直到死嗰一日都可以留喺醫院，因為可以伸直對腳瞓。」

尋找失散親人不過，她表示個別病人要求難度較高，「見名人都係其次，搵番失散親人就要好多時間，試過一次要打電話去馬來西亞搵人，用咗好耐時間好彩都趕得切。另外有啲就真係無能為力，有次有個女人話最想見到個仔結婚，咁我都愛莫能助，只可以講畀佢個仔聽。」

頻救被鯊魚咬泳客近年新聞多多的聯合醫院，原來已成立 35年。一班醫院同工花近半年時間，撰寫文章結集成書，記錄聯合醫院的段段軼事：聯合是歷來搶救最多被鯊魚噬咬泳客的醫院、是當年啟德機場最好的醫療夥伴、在沙士時有同工不幸戰死沙場。醫院行政總監陸志聰期盼，紀念特刊能勾起觀塘以至全港市民的段段回憶。
昨日正式發行的《一起走過 35年》，由聯合醫院同工撰寫，分為四個章節合共 26篇文章。陸志聰表示，特刊內容以人情味故事為主，希望藉此勾起市民對聯合醫院的回憶，「到咗 40周年我哋會出本歷史味重啲嘅特刊，我會邀請每個部門寫篇文章，記錄並且求證番醫院嘅發展。」

當啟德機場守護者特刊揭露了不少聯合鮮為人知的事情，如醫院成立僅兩年半，即遭逢秀茂坪第二次嚴重山泥傾瀉意外，一班生力軍迎接首趟嚴峻考驗，搶救遭沙泥活埋的逾百傷者。早年香港曾發生多宗鯊魚咬死人意外，出事地點多在西貢水域，結果傷者全被送往距離最近的聯合醫院，最高紀錄兩周內有三名傷者。
由於聯合鄰近啟德機場，理所當然成為機場的「守護者」，曾處理當年轟動一時的華航客機意外等，直至 98年新機場落成啟用後才功成身退。特刊又記錄了 03年醫院面對沙士疫症的慘痛一役，記下一班同工如何群策群力合作抗疫，以至兩名服務助理不幸殉職等歷史。