陳日君對廢柴方案感憤怒

[url=http://hk.apple.nextmedia.com/template/apple/art_main.php?iss_id=20091124&sec_id=4104&subsec_id=12731&art_id=13452938]http://hk.apple.nextmedia.com/template/apple/art_main.php?iss_id=20091124&sec_id=4104&subsec_id=12731&art_id=13452938[/url]

【本報訊】天主教香港教區榮休主教陳日君樞機對政府新政改方案表示憤怒，直指原地踏步的是政府，不是巿民；他批評方案沒有提出政改方向，亦沒有普選路線圖，反而增加功能組別議席，根本不能稱為進步，只是「遊花園越遊越遠」。他認為，否決方案帶來負面影響是政府的責任，不是巿民大眾或政黨的責任，不能接受的，無論如何不應該接受。
陳日君昨晚出席中文大學天主教同學會舉行的活動，與學生分享青年人的社會責任，約 70人出席。陳日君在答問環節時被與會者問到，面對社會上的不公義時如何處理憤怒情緒，陳直言不懂得處理，然後主動表示對政改方案感到憤怒，形容政府的做法「離譜」，「唯一嘅反應應該就係憤怒，唔憤怒嗰啲都唔係人嚟 o架，人有自然情緒，唔係木頭嚟 o架嘛。」
活動後陳日君接受記者提問時，怒斥政府推卸責任，「同上一次（ 05年政改方案）有幾大分別呢？上一次否決咗又攞番出嚟，最緊要係冇方向，又冇（普選）路線圖，咁點叫進步啫，遊花園啦喺度。」

「當我哋儍 當我哋黐線」
他形容政府的做法是「當我哋儍、當我哋黐線」，「我最不滿佢明明知道呢個唔係民主（方案）都提出嚟囉，上次已經否決咗類似嘅嘢啦，𠵱家又炒冷飯，好離譜呀我覺得。」他認為，政府提出增加立法會五個功能組別議席，由幾百名民選區議員互選代表進入立法會等元素沒有意義。對於泛民主派應否五區總辭爭取普選，他表示由政黨決定；他支持元旦遊行，但未必會親身參與，「希望多啲巿民憤怒。」
若立法會再否決政改方案會否影響普選進程？他說，「關我哋咩事啫，係佢原地踏步，唔係我哋原地踏步呀．．．仲差過原地踏步呀，佢遊花園吖嘛，仲走遠啲㖭呀．．．唔可以接受嘅，點可以接受呢？接受佢有好處咩？唔接受佢都話唔影響下次（ 2017年及 2020年特首及立法會普選） o架喎。」
今年卸下教區主教職務的他表示，面對國家相關、大是大非的事情時，仍會發表意見。天主教香港教區現任主教湯漢至今未就政改表態，亦未有參與今年 7.1遊行，但支持天主教正義和平委員會舉辦的七一祈禱會，又鼓勵教友關心社會及民生議題。