藝人湧醫院見最後一面 佘曼雙眼通紅　歐錦棠哭着說：走咗喇

[url=http://hk.apple.nextmedia.com/template/apple/art_main.php?iss_id=20091125&sec_id=4104&subsec_id=11866&art_id=13456677]http://hk.apple.nextmedia.com/template/apple/art_main.php?iss_id=20091125&sec_id=4104&subsec_id=11866&art_id=13456677[/url]

【本報訊】無綫資深藝人陳鴻烈忽然昏倒電視城，一班與他日夕相處、已建立深厚情誼的《畢打自己人》演員以及當家花旦佘詩曼等，在陳鴻烈出事後紛紛趕往將軍澳醫院探望，豈料死訊傳來，各人傷心無言、眼泛淚光離開。親眼目睹陳鴻烈昏倒的歐錦棠難忍激動，離開時黯然落淚，哭着說：「走咗喇，走咗喇！」。　記者：王麗春、何永寧


陳鴻烈昨日出事前，在將軍澳電視廣播城拍攝處境劇《畢打自己人》，不少藝人對他心臟病發猝死均表示震驚。陳生前健談風趣，與不少後輩皆十分稔熟，所以當陳鴻烈昏迷送院後，《畢》劇演員都紛紛趕往醫院探望，包括歐錦棠、郭少芸、何綺雲、朱慧敏及徐榮等。
與陳鴻烈相熟、曾在《金枝慾孽》中合作的佘詩曼及周家怡等其後亦趕到醫院，兩人抵達時神色凝重、雙眼通紅。各人到病房見過陳鴻烈最後一面，離開時都不發一言，只有劇中飾演他兒子的歐錦棠，情緒激動地回應「走咗喇！」證實陳已離世。

鄭佩佩：唔相信佢死咗
陳鴻烈雖年屆 66歲，但心境年輕，與不少後輩相處絕無代溝，更不時被拍得與後輩飯敍傾談。他和曹敏莉 05年合作劇集《胭脂水粉》時，就因相處投契而傳出緋聞。對於陳鴻烈逝世，曹敏莉表示他昏倒時自己亦身處電視城排舞。
曹語帶哀傷說：「真係好突然，希望佢屋企人節哀順變。佢係一個好似爸爸嘅老人家，每次見親佢都好熱情，我心情好唔捨得，因為佢係永遠笑住對人，佢好照顧我，平時見佢亦好開心，好健康，精神爽利。我哋平時喺公司成日見到都會傾偈，不過就好少電話聯絡，總之有乜嘢幫手我都會做。」
身在橫店趕拍戲的鄭佩佩，昨晚接獲好友陳鴻烈的死訊，在電話中泣不成聲，「我之前先同佢見過面，我仲話佢越來越好，真係唔相信佢今晚（昨晚）死咗，我𠵱家好擔心佢一對子女，始終佢哋好細個。」
在《畢》劇中飾演陳鴻烈下屬的陳茵媺昨晚到尖沙嘴出席活動，提及陳鴻烈時不禁落淚，「大家日日都見面，佢話我個樣好似佢屋企人，我當佢係公公，佢成日教我做人開心。平時佢講嘢好有中氣，個人亦好 funny，今次真係好突然。」與陳鴻烈早年已認識的邵音音，得知死訊後亦非常難過，「雖然冇合作過，但係自從邵氏年代已經同佢好熟。」

鄧萃雯：難忘長輩鼓勵鄧萃雯和陳鴻烈曾在劇集《金枝慾孽》中合作，難忘這位善良長輩的鼓勵。她昨日得悉死訊後感到意外，「烈哥為人好好，記得《金枝慾孽》拍完，佢第一個睇完片，猛讚我演得好好，前幾日台慶碰頭，佢又話呢排睇咗我啲劇，佢其實係長輩，唔使咁客氣，對於佢嘅離開，我真係好唔開心。」
《畢》劇演員江欣燕昨日不用開工，她接受電話訪問時激動得泣不成聲。老牌演員劉丹則表示平時不覺得陳鴻烈心臟有事，兩人平日亦愛交流健康心得。
此外，一班無綫藝員昨日到尖沙嘴出席晚宴，白茵對陳的死訊大感愕然，「佢係台慶仲扮貓王，突然又咁……佢好健談亦鍾意講笑，我係因為佢第一個太太先識佢，佢仲成日同我講個女點扮靚。」