提早上馬　公民黨最心急

[url=http://hk.apple.nextmedia.com/template/apple/art_main.php?iss_id=20091126&sec_id=4104&subsec_id=12731&art_id=13460434]http://hk.apple.nextmedia.com/template/apple/art_main.php?iss_id=20091126&sec_id=4104&subsec_id=12731&art_id=13460434[/url]

李柱銘公開要求公民黨和社民連「勒住」五區公投，不要匆匆上馬，有支持公投的泛民中人說，近日泛民發表有關五區公投的言論，並非針對政府政改方案、甚至不是討論泛民如何合作，而是互相攻擊，所以一直大力推動公投的李柱銘才不得不叫停。其實，社民運不急於即時總辭公投，也認同要需時準備及催谷民意，反而是公民黨更心急，希望公投盡快上馬。
有泛民中人指出，今次李柱銘叫停公投，並不代表他改變支持公投的立場，而是整件事開始失控，甚至變成泛民互相攻擊，「政改方案公佈後，完全睇唔到泛民有行動打政府，反而因為公投問題互相攻擊，呢個係李柱銘最唔想見到，所以先至不能不叫停，以免泛民陷於分裂。」

想借此迫民主黨就範
其實，公民黨、社民連突然加快公投步伐，計劃提早於 12月總辭，事前也未有和泛民陣營中人討論。有泛民成員估計，兩黨可能想借此迫民主黨就範，「其實咁早總辭係咪好事，係咪遲少少搞公投對成件事更好呢？兩個黨冇同泛民傾過，我估兩黨係想提早公佈，迫民主黨參加，只係冇估到民主黨更硬，變成互相攻擊。」
不過，有社民連中人指出，心急宣佈展開公投行動的並非社民連，「反正社民連從未諗過民主黨會加入，所以我哋冇諗過要提早辭職，迫民主黨加入」，反而是公民黨對盡早公佈辭職公投十分熱心，「佢哋好想盡快公佈辭職，我估佢哋想用最後努力夾民主黨。」但該社民連成員認為，就算提早公佈兩黨議員辭職，民主黨也不會讓步，「不如諗兩黨點搞好公投仲好！」本報記者