一語成讖 曾說希望如陳鴻烈般無痛離世

[url=http://hk.apple.nextmedia.com/template/apple/art_main.php?iss_id=20091128&sec_id=4104&subsec_id=11866&art_id=13467615]http://hk.apple.nextmedia.com/template/apple/art_main.php?iss_id=20091128&sec_id=4104&subsec_id=11866&art_id=13467615[/url]

「如果我係咁（猝死）就好啦！」播音皇帝猝死，其親友及同事均感突然，港台節目主持人夏妙然透露，周二與鍾偉明談論藝人陳鴻烈心臟病發身亡一事時，曾坦言如果沒有痛苦地死去，反會感到安樂，豈料三天後即猝然離世。
鍾偉明生前於港台主持《松柏之聲》、《香江暖流》及《清晨爽利》三個節目，夏妙然憶述鍾大哥生前點滴時，形容他「好健康」，周二還與同事討論陳鴻烈猝死一事，「唔知點解會咁蹺，佢話自己係咁就好啦，估唔到今日真係發生咗！」她指鍾偉明有如一本活字典，「我哋唔識啲字一打畀佢就會教到我哋點讀，佢敬業樂業，打風都返工，又用心教後輩。不過佢年紀大，有時啲稿嘅字就要整大隻啲畀佢睇。」夏妙然又透露鍾與家人關係十分好，每天放工都會與太太外出食飯，又曾說：「我唔鍾意放假，總之我返工就開心。」

Uncle Ray：好唔捨得
與鍾偉明差不多同期加盟麗的呼聲及港台的資深唱片騎師 Uncle Ray（郭利民）坦言：「好唔捨得，咁就去咗。」他表示兩人合作機會不多，但鍾「好肯幫人，個個都叫佢做大哥，真係冇得頂，我諗佢從來都冇同人嗌過交。」
資深廣播人蘇施黃則形容鍾偉明是真正的播音人：「佢播音好有技巧，識得用氣，唔似我呢啲亂咁噏。鍾偉明聲調大細、輕重、長短都拿揑得好準，呢個好緊要，把聲恰到好處，講古仔先至生動，啲人想聽落去。」　本報記者