藝人羅君左樂觀面對兩度截肢：失去一條腿　不是失去全世界

[size=4]50歲的無綫藝員羅君左， 9月因糖尿病切除右邊半截小腿，正當他以為安裝義肢後可重過新生之際，卻發現傷口再次因為糖尿病影響致久久未能癒合，為保性命，羅君左日前忍痛將右腳僅餘的半截小腿也一併切除。儘管兩度截肢，右腿越鋸越短，羅君左卻不曾氣餒：「失去一條腿，唔係失去全世界。」下周日（ 20日）羅君左將以輪椅代步重踏舞台，為歌唱比賽擔任司儀，以行動證明自己殘而不廢。
　
[img]http://hk.apple.nextmedia.com//images/apple-photos/apple/20091215/large/15ec1p1a.jpg[/img]



「鋸一吋又係咁，鋸十吋又係咁，𠵱家咁樣咪幾輕鬆！」坐在輪椅上的羅君左，在九龍醫院以輕鬆的語調跟本報記者說。
今年 9月，患有糖尿病、血壓高、心臟病和腎炎的羅君左，因為細菌感染及糖尿病影響，由右腳腳趾生瘡演變成右腳腳板腐爛，要接受手術將右邊半截小腿切除。
豈料截肢後一個月，截肢位置尚有一個八毫米長的傷口不能癒合，醫生恐怕他右腳繼續腐爛下去，會危及性命，遂建議再次接受截肢手術，將右腳僅餘的半截小腿也全部切去。


[/size]個多月後將安裝義肢
[align=left][size=16px]羅君左說：「雖然右膝以下嘅小腿全部切去，但唔緊要，𠵱家呢個位安裝義肢嘅話，反而承托力仲會好啲，冇咁容易拗柴。」
記者問他可曾擔心傷口再次不能癒合，要多番面對截肢問題？羅君左語氣肯定說：「唔擔心，因為傷口已經埋晒口，我已經倒模做義肢，預計個多月後可以安裝義肢。」醫生又說他康復情況不俗，着他好好保養左腳，並接受物理治療，因為傷口較之前大很多，「醫生告誡我，話第時就算裝咗義肢，每日都唔可以企多過三粒鐘，要等個傷口休息吓。」[/size][/align]


周日再踏舞台做司儀 [align=left][size=16px]面對一次又一次的打擊，羅君左未感心灰意冷：「樂於面對，勇於接受，人生有好多唔開心嘅事，係冇人可以幫到你，所以只要凡事睇開啲，肯接受現實，人生就唔會有咁多唔開心啦。」
現時無綫已跟他續約兩年，他說不一定做配音工作，只要健康情況許可，安裝義肢後一樣可以演戲：「我由細到大都好鍾意演戲，希望不久將來，我可以再次企喺舞台上、喺螢光幕前再次同觀眾見面。」
經濟上，羅君左聲言不成問題，有信心在未來日子自己養活自己。他透露，下周日（ 20日）將再次踏上舞台，在沙田大會堂為沙田文藝協會舉辦的「超新聲歌唱大賽 2009」擔任司儀，今次是他截肢後首次面對群眾：「其實之前幾年我曾經幫呢個歌唱比賽做過兩屆司儀，今次佢哋喺我做完手術後搵我，我都有問佢哋介唔介意我坐住輪椅，佢哋話絕對唔介意。」
他說不擔心招來他人奇異目光，因之前曾向醫院申請外出，外界人士均友善地對待他，並走上前為他打氣，有人更激動地鼓勵他不要放棄，令他非常感動。「我只係失去一條腿，唔係失全世界，最緊要係自己唔好放棄自己。我父母、哥哥同最好嘅朋友梅艷芳一個個咁離開我，令到我更珍惜自己條命，要令自己活得更加開心。」[/size][/align]