渣打CEO：港後生仔未必肯搏

(明報)2010年1月13日 星期三 05:10
【明報專訊】渣打CEO洪丕正（阿Ben）噚日請Emily同一眾行家午宴，天南地北一番，講到請人嘅時候，阿Ben隱約有口的慨嘆，話有口的香港後生仔未必好搏，好注重生活平衡咁話。

阿Ben話，渣打香港每年都會請MT（management trainee，管理見習生），今年都唔例外，會請20到30人。MT入職後薪水近兩皮口野，而頭兩年渣打會提供全面訓練，要佢口地去各個部門，仲會出埠去唔同國家嘅分行實習，目的係要佢口地成為全能人才，有能力做渣打管理層。

MT要出埠 港生諗過先

阿Ben又話佢口地請人都會全球招聘，每年20至30人當中，一半會搵香港人，一半會喺其他地區搵，當然包括祖國嘅尖子啦。佢形容內地同胞做口野時「好餓」，好想學口野，又唔介意出埠；但係香港部分後生仔就好唔同，好要「平衡」，即係工作、家庭或公餘要有平衡，出埠要想過先至去，要去都係去一口的先進國家，未必同你捱。