李國能讚董伯維持法治

李國能讚董伯維持法治
[url=http://www.mingpaonews.com/][img]http://l.yimg.com/mq/i/nws/partner/mp.gif[/img][/url](明報)2010年3月15日 星期一 05:10

  【明報專訊】上星期六晚，港麗酒店禮堂政商要人雲集，祝賀首席大法官李國能同[url=]利豐
[/url]集團主席[url=]馮國經
[/url]獲得[url=]美國
[/url]伍德羅威爾遜獎項，朝早仲喺[url=]北京
[/url]出席全國政協大會閉幕式嘅政協副主席[url=]董建華
[/url]都趕番香港出席頒獎禮，主禮嘉賓本來係前美國國務卿基辛格，可惜基辛格喺[url=]韓國
[/url]訪問嗰陣突然因個胃唔舒服要送院，同香港政商界嘅老朋友緣慳一面。基辛格噚日已經出院，走路都唔使人扶，跟住會去北京訪問。
伍德羅威爾遜係美國第28任總統，致力推動美國融入世界，係罕有拎到博士學位嘅總統，佢相信深入研究係制訂良好公共政策嘅必要基礎。伍德羅威爾遜中心定期頒獎畀美國同海外傑出公共服務同商界領袖，以往獲獎名人包括美國前國務卿貝克、[url=]鮑威爾
[/url]、[url=]新加坡
[/url]資政[url=]李光耀
[/url]、[url=]豐田汽車
[/url]主席Dr Toyoda等等，李國能同馮國經係首批獲獎嘅香港人。
喺頒獎禮上，李國能特別多謝場內嘅前[url=]行政長官
[/url]董建華，話佢喺[url=]一國兩制
[/url]實施初期，大力支持香港維持良好法治，對香港貢獻極大，呢番話贏得唔少掌聲。馮國經發表得獎感言，都讚揚董建華對一國兩制成功落實所起嘅關鍵作用。
基辛格因病留韓 惹秘訪平壤疑雲
負責主持頒獎晚宴嘅合和集團主席胡應湘提到，30幾年前，基辛格借出訪巴基斯坦嘅機會，突然話自己病咗，延遲返國，其實秘密造訪北京，打開咗中美建交嘅大門，𠵱家到咗86歲高齡，基辛格造訪韓國時又突然話病，無辦法如期來港，令佢諗起，基辛格會唔會喺度重施故技，秘密造訪平壤，締造另一次區域和平進程呢？代替基辛格致辭嘅美國前駐華大使芮效儉話，佢口岩口岩先同基辛格通咗電話，好緊張問佢，到底係喺平壤定喺[url=]首爾
[/url]嘅醫院，基辛格話喺首爾，佢先至鬆咗口氣，相信呢次應該唔係假話。



http://hk.news.yahoo.com/article/100314/4/h07e.html