撳錢------限時 45秒有玄機_地獄問題網上尋_備多個版本做到年底

撳錢雙雄　臨危受命  叫好叫座　冀成長壽節目
[url]http://hk.apple.nextmedia.com/template/apple/art_main.php?iss_id=20110306&sec_id=15307&subsec_id=15320&art_id=15044062[/url]



[img]http://hk.apple.nextmedia.com/images/apple-photos/apple/20110306/large/06bk004pn.jpg[/img]
部份題材是經採訪得來，從中發掘有趣問題。


[img]http://hk.apple.nextmedia.com/images/apple-photos/apple/20110306/large/06bk005pn.jpg[/img]
遊戲播出第二集，一位觀眾獨得 10萬元獎金。

[img]http://hk.apple.nextmedia.com/images/apple-photos/apple/20110306/large/06bk006pn.jpg[/img]
因為杜之克（左）一個電話，盧思麟（右）即加入《撳錢》創作班子。



[img]http://hk.apple.nextmedia.com/images/apple-photos/apple/20110306/large/06bk001newn.jpg[/img]

谢谢分享！！！

「我要每晚就快瞓嗰陣，有錢畀我去撳……」，每晚響起這首歌，就知是 now101台遊戲節目《撳錢》開始。一個遊戲節目成為全城熱話，全因一個危機。收費電視台失去球賽轉播權，猶如失去生財工具， now香港台副總裁杜之克要力挽狂瀾，節目編審盧思麟臨危受命，結果一鳴驚人，「希望做到《歡樂今宵》咁，跟貼時事同有趣味性。」
記者：黃碧珊　攝影：黎樹雄

商業社會有「危」便有「機」，杜之克說：「失去英超係一個契機，激發我哋要有新賣點。」某天，杜之克致電盧思麟說，「有個 project啱你做，未做過、好新，你未必做得嚟，但你過嚟試吓。」
新節目由構思至推出，經歷 1年多，既要搶收視，又要發揮高性能遙控系統，加上可行性及互動性，杜之克說：「構思過程可以海闊天空，要觀眾玩得有滿足感，要即時、互動，結合電視、軟件同網絡開發三方面。」方向訂立了，但將概念轉化為具體遊戲往往是最困難的事，「試過諗到一啲，但要有巨大接收系統，所花嘅人力、物力，係要開一間新公司去做。」不過，比其他人幸運的是，公司給予支持，「從第一日開始，從來無講過唔得，有時搞掂咗先知原來要使咁多錢。」

這對「撳錢雙雄」並非泛泛之輩，杜之克在傳媒界打滾超過 20年，參與的節目不少叫好叫座。至於盧思麟，加入 now前曾在有線及亞視工作，製作旅遊綜合節目，曾參與 07年蘇民峰的《 40日峰狂嘆世界》。不過，說到「威力」大，仍不及《撳錢》，盧思麟說：「有日我去相熟嘅髮型屋剪頭髮，髮型師問我『做嘢好睏呀？做緊乜？』我話喺 now做，佢即刻問係唔係《撳錢》。跟住側邊原本唔識嘅人即刻走過嚟問，『畀 8條題目我』，又講『呢條題目好正呀？邊個諗 o架？』仲有 facebook add番好多朋友。」
節目得到大迴響，但盧思麟則要面對沉重壓力。直接負責創作及製作的團隊約 30人，分兩班隔日工作，每小組負責一至兩條題目。節目首播初期，每天均為娛樂新聞，「高峯時 6萬幾班人一齊玩，度問題時要兼顧好多層面，唔可以全部畀人 Google（網上搜尋）到，要滿足一班朋友、一個家庭一齊玩，要有啲係阿爸識、有啲阿媽識、有啲阿仔識。個遊戲互動性咁強，我哋啲問題要再勁啲、得意啲，對自己要求更高。」

成日都好亢奮
壓力越大，製作團隊越投入，「由 10點返工直至 11點半完 show，有時之後開會檢討，但成日都好 hyper（亢奮），連飯都唔想食，掛住搵題目。」沉悶的工作難令人投入，當掀起全城熱話，坊間出現遊戲攻略，彷彿為製作團隊注射興奮劑，「見到有人用新方法揣摩我哋嘅處理方法，會轉一轉，或者誤導番佢哋。」壓力雖大，卻可自得其樂。


盧思麟簡歷
． now101台節目編審
．參與電視製作約 8年
．曾於亞洲電視及有線電視工作
．曾參與節目包括《開心大發現》、《亞洲小姐競選》、《活得很滋味》、《美食法庭》、《 40日峰狂嘆世界》等


杜之克簡歷
． now香港台及 now 101台副總裁
．於傳媒工作逾 20年
．曾於亞洲電視、有線電視、商業電台及英文虎報等工作
．曾參與節目包括《一百萬人的故事》、《活得很滋味》、《一粒鐘真人蘇》、《一級奸爸爹》等


限時 45秒有玄機
《撳錢》利用遙控將電視化身為互動遊戲平台，每集有 8條問題，每條問題有 4個選擇，指定 45秒內按遙控上的顏色按鈕回答問題，答中可繼續。答中全部 8題，可獨得或與當晚其他勝出者瓜分獎金。


記：記者　杜：杜之克
記：節目名稱是誰創作？
杜：係集體創作出嚟，唔係好記得邊個第一個提出。當然有諗過其他名，《指猜記》俾我否決，感覺係「唔係呀，個名咁舊」。《撳錢》其實經常講，個名清晰、簡單、直接，一睇就明，不過平時用開「 㩒」字，「撳」係正字。同埋英文名稱係 ATM，即係平常用嘅提款機簡寫，我哋演繹全寫係 Action To Money。
記：為甚麼每集 8條問題？
杜：喺節目可行性同趣味性中，取得合理平衡。可以有效篩選觀眾，希望最後每個人贏到嘅獎金都係可觀嘅。 8條控制最可行，氣氛輕鬆，觀眾可以享受節目。曾經考慮過 10條或者 16條，但問題太多，對觀眾嚟講太辛苦，會無興趣玩。
記：為甚麼每題設有 4個選擇？
杜：係先天條件，因為遙控只係得 4個掣。
記：為甚麼每題限定 45秒內完成？
杜：曾經多次討論同測試，太短會靠撞得出答案，唔希望觀眾機械式咁去答，希望可以增加樂趣。我哋唔介意參賽者喺網上搵答案， 45秒時間適中，如果要喺網上搵，有足夠時間用幾個 key words搵答案。不過，𠵱家大部份家庭都係一齊討論得出答案。


地獄問題網上尋
《撳錢》免費試玩首兩周，參賽單位由約 1.8萬個，激增至最高逾 6萬個。不過，試玩期滿，需要付費，參加人數遞減至萬餘個，「我哋無預計過會爆出嚟，但有預測，要畀錢後人數會減少，不過相信之後會上番。希望做到好似《歡樂今宵》，可以跟貼時事同有趣味性。」杜之克透露，「𠵱家個版本只係 1.0，我哋仲準備咗 2.0、 2.1、 3.0好多版本，已 plan到年底。」
內容要賣關子，但題目則有迹可尋！杜之克透露，問題將包括冷知識及常識，全由創作組集體創作。其中部份冷知識是經採訪得來，如第 12集其中一條為保良局成立初期，領養局內兒童要進行甚麼儀式，盧思麟說：「嗰題答案原來係燒黃紙，但最多人答係同總理三擊掌。除保良局仲同過好多其他機構傾偈，有啲已經喺身邊好多年，我哋就係咁發掘得意題材，將佢轉化成問題。」

備多個版本做到年底
不過，不少問題仍可從網上找到貼士。盧思麟其中一條「地獄題」出現於第 3集──哪隻馬贏頭馬的比率最高？選擇有靚蝦王、活力先生、精英大師，及答案盈彩繽紛。該題目剔走 9成參賽者，「最初諗住設計畀爸爸玩，諗吓佢哋鍾意啲乜，加上前一晚有人一個人贏咗 10萬，仲有乜嘢可以『獨贏』？咁就諗到馬。我唔賭馬，上網 search，以為精英大師係無敵，點之有隻唔識，（贏頭馬比率） 100%咁犀利。」


後記
盧思麟是該節目員工，直系親屬即使勝出亦不獲獎金，累得盧爸爸、盧媽媽只能戥人高興。
「阿爸、阿媽有埋怨我，話『你真係無用，養到個仔咁大……』。不過我有同佢哋一齊玩，佢哋會鬥答得多，輸咗嘅請食飯。」雖被鬧，仍滿足。

謝謝分享！

*** 作者被禁止或刪除 內容自動屏蔽 ***