2011-7-12 12:51
sinta
ATV新聞部員工投訴 被迫做知客
[img]http://hk.apple.nextmedia.com//images/apple-photos/apple/20110712/large/A23_02_a.gif[/img]
亞視預告江澤民死訊單嘢，全宇宙都估係大股東王征放料，不過估唔到嘅係，呢單嘢竟然成為亞視股東內鬥嘅最新藥引。
[size=20pt][b]匿名信指王征逼應酬[/size][/b]
[img]http://hk.apple.nextmedia.com/images/apple-photos/apple/20110712/large/12lp2p7n.jpg[/img]
[size=8pt]王征[/size]
因股權爭拗控告亞視嘅神旺控股主席蔡衍明嘅公子、現任亞視董事蔡紹中，噚日發新聞稿，話唔少董事都非常關注亞視撤回報喪單嘢，而且收到亞視員工投訴新聞部事務受干預，話已經要求王征親信執董盛品儒交代，否則不排除採取法律行動。
被蔡衍明指派入亞視做董事嘅黃寶慧同八方講，話早於上月已多次收匿名投訴，指王征干預亞視業務，尤其係新聞部編採工作，更有投訴指王征喺 7.1當日要求新聞部員工做知客，應酬佢班 friend。黃寶慧話，亞視新聞部管理層都係資深傳媒人，斷無可能會發生好似老江單嘢咁嚴重嘅錯誤，認為係王征施壓干政所致。佢話上個星期已經去信畀盛品儒，但至今仍無回音。
八方立刻向亞視二五打聽，二五話的而且確近排多咗內地團探訪，一個星期都有幾團，好似 7.1當日就有中國國防部新聞事務單位代表團嚟亞視新聞部探訪。但二五話，王征干預程度反而冇佢前任嘅查懋聲同陳永棋咁嚴重，「好似六四呢啲敏感新聞，查懋聲同陳永棋會叫盡量唔好做，但王征就冇咁嘅要求」。
[size=20pt][b]唔肯增資源只識吹水[/size][/b]
咁係咪即係代表王征對新聞編採工作完全不干預呢？二五話咁又唔係喎，據了解，有人喺上個星期三即係亞視發佈老江死訊當日，見到王征親信高層喺傍晚匆匆忙忙咁到新聞部，搵兩大巨頭梁家榮同譚衛兒密斟，未幾二人就立刻拍板要喺 6點新聞發佈老江死訊，言下之意，老江單嘢嘅幕後推手已經呼之欲出啦。
至於亞視官方又點回應？亞視高級副總裁鄺凱迎一聽八方身份，未等到八方道明來意，佢就以不接受傳媒訪問為由立刻掛線。曾經豪言要將亞視打造成亞洲 CNN、要做傳媒大亨嘅王征，喺老江單嘢中否認放料，亞視新聞部孭晒黑鑊，令唔少員工對佢好反感，有員工咁樣批評老闆[節錄...]
來源:蘋果日報網站