貪靚變噩夢　小腿燒傷　美少女彩光脫毛永留疤

[img]http://hk.apple.nextmedia.com//images/apple-photos/apple/20110727/large/27ls6p4new.jpg[/img]
[size=8pt]Carol對美容中心愛理不理的態度，感到氣憤。[/size]

【本報訊】美少女以為彩光脫毛可以一勞永逸，卻因此換來長腿上永久疤痕！ Carol本月初到纖之美醫學美療中心，進行小腿彩光脫毛，豈料「一脫毛成千古恨」，右腳小腿事後出現二十多條火車軌狀的紅印，經診斷證實小腿被燒傷，傷痕永久不消除。美容中心竟以「我哋有我哋嘅專業，唔接受醫生診斷」，美少女已向警方報案和向消委會投訴，並準備民事追訴。

在友人介紹下， Carol於 7月 8日，到纖之美醫學美療中心位於尖沙嘴金馬倫道分店，進行小腿彩光脫毛。她憶述，療程由一名十分年輕的女職員進行，「佢喺我小腿搽啲啫喱，跟住等咗一陣，就用部彩光機照我啲皮膚。」事後職員用濕紙巾抹走啫喱，然後着她「搽返啲蘆薈保濕就 ok」，毋須其他特別護理。

[img]http://hk.apple.nextmedia.com/images/apple-photos/apple/20110727/large/27ls6p1new.jpg[/img]
[size=8pt]Carol進行小腿彩光脫毛，數天後右邊小腿出現多條紅印。[/size]

[img]http://hk.apple.nextmedia.com/images/apple-photos/apple/20110727/large/27ls6p3new.jpg[/img]
[size=8pt]事隔三周， Carol的右邊小腿仍有多條結焦的傷痕。[/size]

[size=20pt][b]美容中心不認同醫生診斷[/size][/b]
[img]http://hk.apple.nextmedia.com/images/apple-photos/apple/20110727/large/27ls6p5newa.jpg[/img]
[size=8pt]記者到美容中心尋找負責人 CoCo，查詢彩光脫毛燒傷一事，惟多次致電查詢仍未獲回覆。[/size]

「做完彩光，已即時覺得右小腿痕痕哋。兩日後，我喺屋企着住短褲坐嘅時候，爸媽望住我隻腳，好驚咁話：『阿囡，你隻右腳做咩腫晒紅晒？』真係嚇死我！」 Carol向記者展示當晚發現小腿紅腫的相片，相片中可見 Carol的右邊小腿出現至少二十多條火車軌狀的紅印。
翌日早上， Carol發現這些紅印上出現許多小水泡，她立即致電通知美容中心，但職員表示「經理唔喺度，下午你再嚟畀我睇吓」，但為防情況惡化，她決定先向皮膚科醫生求診，「醫生一睇就話好明顯係燒傷，仲話啲疤痕隨時跟住我一世，我隻腳以後點見人啊！」
同日下午， Carol攜同醫生紙到美容中心，「我淨係想退錢（三千多元），唔敢再做（彩光）啦！」但中心總經理 CoCo看過其傷勢後，斬釘截鐵表示「你係皮膚乾燥，唔關彩光事」，更不認同醫生診斷，「醫生有醫生嘅專業，我哋有我哋嘅專業，我哋唔接受醫生嘅診斷」，拒絕退款賠償。

[size=20pt][b]「唔敢着短裙 成日痛醒」[/size][/b]
Carol向警方和消委會求助，「話我皮膚乾燥，又唔見我左腳有事？」本報記者曾親自到中心和致電查詢，惟至今仍未獲回覆。警方則表示正跟進事件，消委會已着手調查投訴。
消委會發言人指出，在本港使用彩光或激光等醫學美容儀器，毋須申領專業牌照，不過有關公司有責任培訓操作儀器人員，確保使用過程的安全。消委會由 08年至今，共接獲 84宗有關使用激光或彩光美容的投訴。
事隔近三星期， Carol右小腿的紅腫明顯減退，但仍可見許多條結焦的疤痕，小腿更不時又疼又癢，「唔敢着短裙，但着長褲又會整到傷口，瞓又瞓唔好，成日痛醒！」令她最氣憤的是就算知道已報警投訴，美容中心仍擺出一副愛理不理態度[節錄...]

來源:蘋果日報網站

蘋果直擊　$2500一年任做誘落叠

[img]http://hk.apple.nextmedia.com//images/apple-photos/apple/20110727/large/27ls6p6new.jpg[/img]
[size=8pt]職員帶記者參觀進行美容療程的房間，箭嘴示為該美容中心使用的彩光脫毛儀器。[/size]

纖之美醫學美療中心共有四間分店，分別位於銅鑼灣、灣仔、尖沙嘴和金鐘，每間分店面積逾千呎，具相當規模。該店職員向扮顧客的記者聲稱，「所有你諗到嘅美容服務我哋都有，而做彩光脫毛，我哋喺行內係最專業。」
記者以顧客身份到 Carol曾光顧的尖沙嘴分店，查詢彩光脫毛療程，但店面空無一人，遂按鈴查探。不久，一名年輕女職員從店內一間房間出來接待，並邀請記者到一間細小的房間內，向記者講解彩光脫毛的詳情。


[size=20pt][b]稱一次見效　初拒參觀[/size][/b]
「我哋畀個新客推廣你做，$2,500一年任做，不過一個月做一次就 ok，而且做完第一次（彩光脫毛）已經見效。」記者表示想參觀彩光儀器和中心的環境，最初職員以「有好多客做緊機」為由婉拒。
不過當記者與她混熟後，她又突然表示可以讓記者視察中心的房間環境。記者於美容中心巡視一周後，發現「入面冇乜客」，遂以趕時間為由離開。
其後，記者再到旗下的銅鑼灣分店，再次查詢彩光脫毛的詳細。這次接待記者的女職員，則以「舊客優惠價」吸引記者，「見你咁有心，我就畀個舊客介紹價，$2,500全年任做，其他客都無 o架」，更落足嘴頭表示，「見我哋咁有緣，今日先開呢個價畀你，聽日就無 o架啦。」[節錄...]

來源:蘋果日報網站

醫生之言　膚色越黑　越易燒傷

彩光脫毛，一勞永逸，是不少愛美一族的美容選擇。不過彩光脫毛並非「人人啱做」，尤其是膚色較深人士，他們皮膚的黑色素會吸收彩光能量，假如彩光的強度控制不宜，隨時會將皮膚燒焦。


[size=20pt][b]易吸收彩光能量[/size][/b]
皮膚科醫生史泰祖表示，彩光脫毛的原理是利用毛囊的黑色素，吸收彩光產生的熱能，破壞毛囊組織，以達至脫毛效果，「不過皮膚都有黑色素，或多或少都會吸收彩光的能量。膚色較黑的人，好易吸收彩光能量，如果操作員唔識控制彩光強度，好易會燒傷皮膚組織」。
他分析 Carol的個案後，認為她很大機會是被彩光燒傷，「彩光造成嘅傷口唔一定會即時出現，有啲會喺一、兩日後先見到。輕微嘅可能係痕癢、紅腫或出紅點，嚴重嘅更會起水泡」。他指出，如果彩光只傷及皮膚表層，傷口會自然康復，且不會留疤，但如果彩光深入真皮層，將會對組織造成永久性傷害，[節錄...]

來源:蘋果日報網站