阿叻hea爆賀台慶：我死咗　香港就冧

藝人「阿叻」陳百祥為無綫多次向網民發表「挑機」言論，揚言倘若台慶收視跌到兩、三點便會「跪回家」，狂擦無綫鞋，阿叻昨晚完騷後，風騷接受記者訪問，他說：「聽日12點就知收視，真係得兩、三點我咪返嚟表演，過30點就高興啦。」有網友叫阿叻收溪錢，他說：「呢個世界有人儍，有人癲，唔理佢哋，我淨係做番畀鍾意啲人。」阿叻表示今日會到商台接受陳志雲主持節目《在晴朗的一天出發》訪問，阿叻說：「噚晚綵排到好夜，今日先冇去，我去係畀面陳志雲，TVB冇畀壓力我，我唔使同管理層交代，TVB係唯一一間請得起我嘅機構。」臨走時，阿叻仍囂張說：「如果我死咗，香港就冧。今晚管理層仲估計聽日收視最低34點（218萬觀眾），最高39點（250萬觀眾）。」
阿叻昨晚擔任台慶司儀及表演台慶項目，在節目開始之前，阿叻以要準備為理由，未有接受記者的訪問。昨晚身穿大紅格仔西裝亮相的阿叻，開騷前繼續狂擦無綫大老闆、「殼王」陳國強鞋，主動上前握手兼搭膊頭影相。

[b]台慶hea住表演[/b]
其後阿叻又聯同女藝人葉翠翠、呂慧儀和沈卓盈在台上表演「花式足球狂熱」項目，雖然阿叻事先張揚指自己為這個項目排練得如何辛苦，但結果只是見他hea住帶波穿插人群，以及拋完一輪波仔後，擺了一個「懶型」的踩波甫士。

[img]http://static.apple.nextmedia.com/images/apple-photos/apple/20131120/large/20la2p06.jpg[/img]
■阿叻表示今日會到商台接受節目《在晴朗的一天出發》訪問。


來源:蘋果日報網站