2015-6-16 20:09
ktmmadmin
「鍾氏民調」嘅蠱惑之處
立法會好快就嚟進行政改方案嘅審議表決，「鍾氏民調」迫不及待「出狠手」。鍾庭耀主導嘅滾動民調繼前日出現支持與反對政改方案嘅比例竟然相同嘅怪異情況後，近日反對政改比率終於如反對派「期望」超過支持比率。「鍾氏民調」嘅蠱惑之處，在於其提問方法，與無線同有線電視進行嘅政改民調，喺字眼上有好大嘅不同。無線同有線問嘅係：「是否支持通過政改方案？」而「鍾氏民調」問嘅卻係「是否支持政改方案？」兩者幾字之差，卻係差之千裏。主流民調問市民是否支持通過，係從現實角度出發，是埋要「袋住先」，亦或係乜都不要。當然市民未必認為現時政改方案係最好，但喺現實考慮下，都認同應該先通過再完善，亦會認同一人一票無論如何都勝過1200人嘅選舉委員會，所以得出咗6成幾嘅民意支持。但「鍾氏民調」卻係從政改方案本身出發，問市民係埋支持政改方案，當中並唔涉及立法會應否通過政改嘅問題，淨係單純問市民對政改方案嘅睇法。呢個自然令到一些市民表示唔支持。但如果你再問佢哋係埋認為立法會應通過方案，相信佢哋還是會支持。