三名香港釣客釣到一尾85公斤重的大黃魚，賣了兩萬港幣，發了筆小財，不過他們很快就後悔了，因為那條黃魚後來又兩次轉手，最後一次的賣價是一百萬港幣。

那條黃魚身長168公分，據信是香港十年來捕到的體型最大的黃魚。

三名釣客把魚賣給一個魚販，得款兩萬港幣，歡天喜地的回家，沒有多久，他們聽說魚販以58萬港幣，把黃魚轉賣給一家海鮮餐廳，一轉手，就賺了56萬港幣，故事還沒完，黃魚又被賣了一次，這回接手的大陸買家，付了一百萬港幣。

你講錯啦，那條不是黃魚呢，個名叫大鰲(音：奧)個條係香港三十多年前都仲見到的魚呢，查實條魚冇錯都幾值錢，但條魚最矜貴的係魚膘，可以去到八十萬一斤，唔信可以去上環問價，個魚頭骨幾可以話幾值錢，但魚肉就要一萬蚊一斤，其實係報紙佬吹水，佢的魚質同鰵魚(音：敏)係一樣的，(這是我問老行家所收集回來的)，一係魚蛋貨，一係就廉價魚柳的材料，大家想想，大家樂之前賣話海鮮火鍋係用新鮮材料，梗係假啦，新鮮食品：牛羊肉都係貴貨，海鮮更加唔駛講，絕對貴，咁平的價錢食到貴野，發夢就得，多數都係急凍貨居多啦。
講返轉頭，閣下十多年前有冇食過海黃花魚呢？佢的肉質鮮甜，而且用途多多，絕對係上價魚，現在大家在街市看到全部都係養殖魚來的，要真正海的話，至少係一百蚊斤以上的價錢才有，點解？
解釋之前，我想話俾大家知，其實今次呢條大魚同黃花魚係同一個族譜(科目)的，只係樣子不同而已。

其實現在海黃花魚好快就會同呢種魚一齊列入瀕臨絕種的生物行列，因為眾所周知，海黃花係值錢，經過多年大量捕殺，大家仲想見到係很難，根據老行家說當年西環未填海造地的時候，香港島南區的海怡半島那處係可以見到大量黃花魚在水面游，就算去捉，都多到你一個都唔哂，好似花海一樣，金光閃閃，可是大量捕殺下，已經今非昔比，黃花的魚膘>魚春>魚肉>魚骨都係值錢的。為何外國人叫中國人不要吃魚翅嗎？就係外國人懂得保育，但中國人知道邊樣值錢，就唔會考慮立即捕殺，希望自己能夠致富就得，就是這樣，導致魚類絕跡的危機迫近，如果大家有釣魚的話，都知道有一種魚大家都唔想釣到的—雞泡魚。

近年來大家想釣雞泡都有點難，可能地區唔同，但是雞泡魚乾都係值錢東西，但海的雞泡要食就只可以冬天吃，因為夏天佢地會散毒的，雞泡有好多種，如果想知邊啲吃得的話，就看看雞泡的肚皮，如果滑溜溜，就係中國雞泡乾的材料，如果係有刺或微刺都係有毒的，我不是建議大家吃佢，因為唔識整，都唔好食，以免快人一步。
大家有冇聽過白花膠？白花膠就係白花魚的魚膘來的，但是真海的白花同黃花都係很少見到的，在街市裡見到都係養魚來的，但是同魚唔同命呢！黃花全身都值錢，但白花取去魚膠後，已經冇價值可言，
最後想說的話就係魚民現在的捕魚手法，用成語來形容就最好不過—殺雞取卵，原因係魚未大就捕哂，將個海刮乾刮淨，又何來循環呢。世界快啲末日啦，唔該。